من المعروف إن إتصالات إنترنت يو إس بي مودم مش بيشتغل أوتوماتيك غير علي ويندوز او علي ماكنتوش ، لكنه مش بيشتغل علي اي توزيعه من توزيعات لينكس ، بعكس فودافون إنترنت يو إس بي مودم

بتكلم علي إتصالات يو إس بي مودم موديل
Huawei E1550

وﻷن عروض إتصالات اليومين دول للإنترنت جامده فشخ ، وضربت فودافون بالجزمه القديمة

فكان لزام علي إيجاد طريقة لتشغيل إتصالات مودم

الطريقة سهله جدا لمستخدمي أوبنتو لينكس ، وعلي الساده مستخدمي التوزيعات الاخري ملاحظه فروق أوامر الترمينال

1:إفتح الترمينال بتاعك ياريس ، وإكتب السطر ده زي ماهوه

sudo apt-get install udev-extras

2-بعد مايعمل إنيستال ويظبط أموره إكتب السطر ده

gksu gedit /etc/udev/rules.d/15-huawei-e1550.rules

هيقوم بفتح ملف نصي لك
إلزق السطرين دول وإعمل حفظ

SUBSYSTEM==”usb”,
SYSFS{idProduct}==”1446″,
SYSFS{idVendor}==”12d1″,
RUN+=”/lib/udev/modem-modeswitch –vendor 0x12d1 –product 0×1446 –type option-zerocd”

وبالشفا إن شاء الله يارجاله

أكتر من صحفي يتصل بي ويقولي حضرتك إخوان مسلمين

ورأي حضرتك في حزب الإخوان

وفي إلي كتبته المصري اليوم

وواحد تاني يقولي إعتذار ومش عارف إيه ورأي حضرتك في الإعتذار

والتالت يقعد ينظر لي عن العلاقه بيني وبين الجماعه

وإلي يقولي بتعمل فتنه ، وإلي يقول مش عارف إيه ، والجماعه مش عارف إيه ، وإلي بيستشهد لي بالإمام الغزالي

ومش عارف إيه

يا إخوانا ، إلي عارفيني عارفين انا مين

أنا محمد عادل فهمي ، نزيل سجن المحكوم رقم 30531 صاحب فكر خاص جدا جدا

البعض من الإسلاميين كفروني وإتهمنوا بزعزعه وإستقرار الأمن والبلاد

والليبرالين نازلين فيه أخونه

و بعض اليسارين مش عارف إيه

والأمنجية نازليين علي تهم التمويل ومش عارف

انا محمد عادل …. و فقط

بصوا من الأخر كده

أنا إلي قتلت النقراشي وحسن البنا وحطيت السم لجمال عبد الناصر وفضيت الرشاش بتاعي في السادات وقتلت رابين وجون كندي وعرفات وإلي إنتم عايزينه ، إيه الهبل إلي انا عايشه ده .

بالمناسبه ، محمد عادل له تطلعات شخصيه بعيدا عن النط فوق الأكتاف والأسوار

أما بالنسبه للدعوه فلقد خلقنا الله وأمرنا بعبادته وبنصره دينه ، وبتعمير الأرض كذلك فنحن مطلوب مننا التأمل والإبداع ، وليس التطبيق والتنفيذ وشراء التكنولوجيا من أصحاب الوجوه الشرق أسيوية ، وإن إكتفينا بعبادته والدعوه لعبادته ، فعذرا فهنا لم تكتمل الدعوه قط ، بل هي ناقصه ، ومن يظن عكس ذلك مايتصلشي بيه ويريح زوره معايه .

ويا أنا لزمره أنابوليس في البلد دي

حين عجز ذلك العقل

هذا العقل الذي ليس له مثيل

العقل الذي أوقف النظام المصري والمعارضه المصرية علي قلب رجل واحد

هذا العقل الذي أثار غضب أغلب المصريين عليه من شمال البلاد لجنوبها ومن شرقها لغربها

هذا العقل الذي لا يعرف كيف يهادن

حينما عجز هذا العقل عن حل المسأله الحسابيه التالية

540 – 4

إذا هذا العقل عايز ياكل بصاره

هاتولي بصاره

في وسط تلك السطور البرمجية الهائلة

أحيانا تشعر بنشوة الإنتصار ، وأحيانا أخري تشعر بالإنكسار

أحينا تنهي ، وأحيانا أخري لا تنهي

أحيانا تفوز وأحيانا أخري تخسر

أحيانا تنجح وأحيانا لا تنجح

أحيانا تشعر إنك عايز تزأطط وتزغرط وأحيانا أخري تريد أن تشنق نفسك

دائما تشعر بإنك مجنون ، وغالبا ما تشعر بإنك أهبل وخاصه لو حاجة جديده

أحيانا مثل هذا اليوم تشعر بإنك تريد أن تشنق نفسك

أنا مش عارف أخلص :’(

كل ما أعدل شيئ ، الشي التاني يبوظ

وكل ما ابوظ حاجة ، الحاجة التانية تبوظ هيه رخوره

كل ما يقترب ضوء النهايه يبتعد

من وسط السطور الهائله

أناديكم ، أشد علي أياديكم ، إدعولي أخلص إلي في إيدي ، أنا خلاص جبت جاااااااااااااااااز

من وسط تلك السطور ، إعذروني أنا لسه ماخلصتيش

إحنا قعدنا من 67 ل 77 عشر سنين نتكلم عن الحق والعدل حصل إيه ; حربين مئات الألاف من القتلي ومليارات الدولارات ، وفي سنه واحده لما إتحولت اللغه للغه ” إيه المصلحه “ ولما حست مصر إ ن مصلحتها في إستعاده أراضيها هوه العنصر المهيمن علي سياستها ، إتحلت القضيه في سنه واحده بدون أي تكلفه .

ياصديقي حسابات المصالح هيه إلي فتحت الصين قدام أمريكا بعد خمسين سنه عزله ، حسابات المصالح هيه إلي وحدت أمريكا مع الحلفاء وأنهت الحرب العالميه التانية .

جزء من مسرحية إحكي يادرة

إلي فهم فهم وإلي مافهمشي مافهمشي

ودي رساله موجه إلي إحد الأشخاص وأمثاله من …. بلاش

ملاحظه خطيره : العميد ميت لم يعتذر ﻷحد علي شيئ ، والإعلام الإسلامي يحتاج لتطوير وتغيير شديد

أفادات مصادرنا الخاصه إنهم هيجوزوا المدعوا بيتر ألفريد بكره السبت

وذلك في كنيسه مريم العذراء بشبرا

بس بصراحه ما أعرفشي المعاد ” ماعزمنيش الجبان “

ألف مبروك يابيتر وألف مبروك لمراتك ” والله نسيت أسمها ” هدي تقريبا مش كده ؟؟؟