مش عايز اكتب حاجة حاجات كتير متداخلة بس هنقل حاجتين كتبتهم الزميلتين دينا كمال وسارة بدر

إلى كل من تراجع أو خاف
من حقك ان ترضى بعبوديتك و لكن دعنى أحلم بحريتى
من حقك أن تحيا من أجل لقمة عيشك و لكن دعنى أموت من أجل حلمى
من حقك أن تعيش فى ذل ارتضيته ولكن دعنى أدافع عن عز أنشده
من حقك أن ترضى بالمجارى شرابا لأبنائك و لكن دعنى أحلم بكوب ماء نظيف لابنائى
………من حقك أن تتخذ من الرحيل و الهجرة خلاصا لكن دعنى أدافع من أجل وطن اتخذته
……من حقك أن تعيش فى الظلمة الليل و لكن دعنى أحلم بنور الفجر

دلوقتي بتتكلموا عن الديمقراطية ..
دلوقتي جايين تقولوا فين حقنا في رفضنا للثورة
دلوقتي سمعتونا صوتكم
كنتوا فين لما المصري كان بيتداس عليه من ريّسكم
كنتوا فين لما الولد كان بيلملم رغيفة من زبالتكم
كنتوا فين لما الشوارع كانت حضن الغلابة .. وكان حضنكم شوك
كنتوا فين لما السجون قفلت بيبانها وعيليت حيطانها وحبست جواها إللي في يوم حب
الوطن وقال يا بلد
كنتوا فين لما القسم كان بيصرخ من دم إبن بلدك
كنتوا فين لما الميدان شال الشهيد فوق كتافه .. وإنتم حطيتوه تحت الزيت ورغيفالعيش
كنتوا فين لما القنابل والرصاص جرّح في جسم الوطن
دلوقتي جايين تقولوا ديمقراطية
مش عايزين ديمقراطيتك
مش عايزين نسمعلكم ..
إنتم مفيش من زمان
والكلام إنهاردة بس لدم الشهيد …