Wed 26 Mar 2008
الكثير من الشبابا قالوا لييوم 6 إبريل يوم فاشل بكل المقاييس دون أن يقدموا ولو تفسيرا منطقيا لعدم مشاركتهم سوي إنهم خايفيين إن مصالحهم تتعطل في اليوم ده
علي العموم ، أنا لو إتصلوا بي وقالوا لي يوم 6 إبريل عندك إمتحان هيكون ردي إن مضرب عن كل حاجة ومش نازل من البيت
خلونا نجرب ولو مره في حياتنا طريقه جديده في الإعتراض غير الطرق العاديه في الإعتراض
وغير المحاولات الدعوه إلي النزول إلي الشارع التي بائت بالفشل ، وهروب الناس من عصيان الأمن المركزي
خلونا مره نجرب نقعد في البيت ، نعطل لهم مصالح الفساد و الإفساد
بلاش نظره الإحباط إلي بنرميها في عيون الناس دي إن مافيش أمل ، بالرغم إن هناك شعاع ضوء جديد
بدل ما تحبط الناس وتحبطنا ساندنا بدعوه شخص جديد ولو حتي في المحيط بتاعك في البيت في العماره في الشارع في الجامعه
خلونا نتكلم بعفويه مع الناس في المواصلات ، نتكلم إن فيه إضراب عام يوم 6 إبريل من غير مانقول إحنا مين ، نقول إن الناس كلها هتشارك ، إن كل مصر خلاص مش هتتحرك من البيت في اليوم
خلونا ولو مره واحده في حياتنا ( نحن الشباب ) نكون دعاء للعصيان المدني
مش كنتم بتدوروا علي كلمه العصيان المدني ، هوه ده العصيان المدني بعينه ، الإضراب عن العمل وعدم إطاعه الأمر
وليبدأ المنافقون الحكوميون في سبنا وسب هذا ليوم ووصفنا بالعبط والمجانين
مصر كلها مش هتخرج من بيتها .. مصر كلها عايزه تاكل عيش نضيف
March 26th, 2008 at 5:49 pm
انا أوافق على هذا وإن شاء الله أقوم به ولكن هل تعتقد أن الشباب وحدهم يكفون .؟
من رأيي أنه لابد أن يكون العصيان من كل فئات وشرائح المجتمع وليس شريحة واحدة
دمت بكل خير
والسلام عليكم ورحمة الله وبركاته
March 26th, 2008 at 7:03 pm
محمد انت بتهظر انت بتهظر سعادةالباشا
مبارك هيقول طبعا أحسن
إن شاءالله علطول كده
..
March 27th, 2008 at 12:05 am
[...] ماتخلونا نجرب يوم 6 إبريل [...]
March 27th, 2008 at 4:57 am
انا معااااااااااااااكم طبعا
March 28th, 2008 at 8:25 am
يابهايم يوم 6 ابريل ده يوم جمعة !!!!!!!!!!!!!
March 28th, 2008 at 10:28 am
يوم 6 إبريل يوم أحد يامتخلف عقليا
راجع التواريخ
March 29th, 2008 at 12:30 pm
انتوا يا حمير سايبين كل حاجة وبتتكلموا فى التاريخ
March 30th, 2008 at 3:35 pm
ان شاء الله
اشارك فى الاضراب واتمنى ان كل مصر تشارك فى هذا الاضراب ويكون اضراب عام
وليعلم رجال الفساد ان الشعب قادر على على التغير بااذن الله
March 30th, 2008 at 9:34 pm
ربنا معاكوا يارجالة….
وربنا عالظالم والمفتري
March 31st, 2008 at 10:35 am
هو الحق ؟
اذا هى الثورة على كل مثالب الظلم
March 31st, 2008 at 10:36 am
يوم 6 ابريل يوم احد فعلا
March 31st, 2008 at 11:38 pm
what is the plan then, do you have a plan, no plan = no result, is that the plan??????!!!!!!!!!!!!
April 1st, 2008 at 12:47 am
الخطه هي إننا يوم الأحد سيكون يوم إعتصام وإضراب شعبي في البيت
من يستطيع النزول إلي الشارع ومواجهه جحافل الأمن ، فهناك الميادين العامه في كافه المحافظات ستكون بها مظاهرات
أما النقطه التاليه بعد 6 إبريل ، هي قياس مدي التفاعل مع الدعوه وبدأ التخطيط التالي لها
April 3rd, 2008 at 7:40 am
ربنا معاكم ومعانامن دول شوية مفسدين اتلموا على مائدة الافساد وكلهم منتفعين قوت الشعب السلبى الغلبان
April 3rd, 2008 at 5:43 pm
انا عندى امتحانين اليوم ده
April 3rd, 2008 at 5:58 pm
خطأ
عملوا لك إمتحانين اليوم ده
ماتروحمشي ، وإتفق مع المعيد ولا الدكتور يعيدهم لك
التكاتف صفا واحدا من أجل إنجاح الإضراب
April 4th, 2008 at 8:43 pm
ياشعب مصر اضرب يوم 6-4الشعوب الي حولينا يقولو لينا انت شعب لايستحق الحياه عرفين ليه لانا صبرنا علي الظلم كثير وصبرنا علي الزل والقهر انظر وشوف بلد زي زيمبابوي اصبح فيها حرية
April 5th, 2008 at 2:03 am
معلش قد يكون تعليقي طويل حبتين بس ان شاء الله هيكون مفيد واناعاوز اسال سؤال ليه الاحوال وصلت في مصر لهذه الدرجه الا اذا كان فيه حاجه غلط واكيد فيه حجات كتيره غلط شبابنا ضاع ومستقبلهم اصبح مظلم وبناتنا اتبهدلو وده سببه احنا لاننا مخترناش الحاكم اللي يتقي ربنا فينا ولا عضو مجلس الشعب النضيف المحترم بقت المساله كلها هتدفع كام والمصلحه دي تمنها كام وهتعملي ايه يعني كلها بطيخ في بطيخ وسرقه عيني عينك الله يرحم شهداء اكتوبر اللي دفعم دمهم فداء للوطن بدون ميقولم بكام ولا هناخد ايه دفعو دمهم عشان احنا نعيش بكرامه في حين ان اولادهم اصبحو يتامي وزوجاتهم بقم ارامل ومسالوش ولا قالم ليه احنا مش غيرنا في حين ان ابناء الوزراء وابناء حسني مبارك امتلكم البلد وامتلكم اقوات الشعب حفنه من الحرميه ممشيين امور دوله قوامها تمانون مليون مواطن يا اخونا لازم نفوق ولازم تضحيه ولازم نقف يد واحده وصدقوني اليوم ده لو مكنش يوم الحقوق لن نجد من ينصرنا ولن ينصرنا الله كالما اننا لم ننصر الله وصدق الله العظيم اذ قال وان تنصرو الله ينصركم ويثبت اقدامكم قولو لا للظلم قولو لا للسرقه لا للرشاوي لا لرجال الاعمال النصابين واصحاب القروض الحرميه وحسبي الله ونعم الوكيل
April 5th, 2008 at 2:27 am
الله اكبر ولله الحمد صدق وعده ونصر عبد وهزم الاحزاب وحده الله اكبر علي من ظلم وتجبر الله اكبر علي من طغي
والله ان مصر بخير وشعبها بخير وابناؤها الشرفاء بخير والله اني شاب ضاعت حياتي وضاع مستقبلي علي صخره صماء اسمها الواسطه وبلغت من العمر اربعين عاما بدون فائده والله اني لا انتمي لاي تنظيم ولا انتمي لاي حزب سياسي حتي يحاسبني ربي علي قسمي هذا قالو ازهب الي سيناء اعمل هناك في الفنادق فوجدت نفسي ومن حولي نرزق بالرزق الحرام من وراء السياح كي نخدم الكفره اليهود ونقدم لهم الخمور ونوفر لهم الامن كي يمارسو حياتهم الجنسيه الوقحه علي ارض بلادي الطاهره هل حررنا سيناء من اجل هذا ام من اجل ان يشيد حسني مبارك قصوره وفنادقه واستراحاته الفاخره هو ووزراءه النصابين والحرميه ورجال الاعمال الاوساخ انه ديكتاتور مصر ودمر جيل باكمله من شباب مصر منذ عام 1981 م وهو يحكم مصر مازا فعل لمصر وابناء مصر انا اقول لكم ماذا فعل
1/ امتلآت المعتقلات بشباب مصر
2/ يوسف والي دمر الزراعه في مصر وجلب السرطان والكبدي الوبائي والفشل الكلوي
3/ خصخص القطاع العام وباع شركاته لمن لليهود وقام بتحويل فلوسها لارصدته في الخارج
4/ ابنه حامل للجنسيه البريطانيه
5/ يمتلك علاء اكبر اسطول للنقل البري والبحري ومصانع الحديد والصلب ” مصانع عز”
6/ حليف امريكا الاول ؟؟؟؟؟
7/ حليف اسرائيل الاول؟؟؟
8/ ارهاب الشعب والمواطنين بقانون الارهاب او ما يسمي قانون الطواريء
9/ اعلام فاسد
10/ وزراء حرميه
11/ الجيش والشرطه لخدمة وحماية ملكه وسلطانه
12/ شعب مغلوب علي امره
12/ تضخم وبطاله ضربت الارقام القياسيه
14/ جوع
15/ فقر
اعتقد ان هذا يكفي لاني لو فتحت وكتبت اكتر من كده نبقي عاوزين كمان 26 سنه نكتب فيها واخر الكلام الاية الكريمه اذ صدق الله العظيم ان الله لا يغير ما بقوم حتي يغيرو ما بانفسهم
April 5th, 2008 at 2:35 am
انا شاب مسيحي مصري ولدت علي ارض مصر شربت من نيلها واحمل جنسيتها وعشت شبابي مع اصحابي مسلمين ومسيحيين وانا مثل اي شاب ارغب في حياة كريمه ارغب في الامن والامان ولكني لم اجد اي شيء من هذا لذالك سافرت الي امريكا وتركت بلادي واهلي من اجل ان اعيش وحتي اتمكن من الزواج وتكوين اسره وتربيه ابنائي ولكن ابنائي اصبحو يحملون الجنسيه الامريكيه ولا يعرفون اي شيء عن بلادي الا انها بلد فقير يمد يده كي يشحت من امريكا
ويشحت من اوروبا
وينتظر من اسرائيل الشفقه والرحمه
وضاعت هويتي وهوية ابنائي
April 5th, 2008 at 2:45 am
اعتقد كما تنادي اي بنت بحريتها ومساواتها بالولد اعتقد انه جاء اليوم الذي تثبت فيه البنت انه من حقها ان تقول كفايه كده حرام ولازم تقف بجوار اخيها وابيها وزوجها وتحثهم علي ان يتخذو موقف من هذا الظلم الجائر هذا الكابوس المظلم الذي دمر حياتنا
ودمر بلادنا وشبابنا
April 5th, 2008 at 2:52 am
مين السبب فى الاغذية المسرطنه مين السبب فى بيع الغازلاسرائيل من السبب فى خصخصة القطاع العام مين السبب فى ضيلع حق ابناؤونا فى غرق العبارات مين السبب فى ضياع اموال توشكى على الفاضى مين السبب فى مقتل اولادنا فى السويس مين السبب فى موت اولادنا فى المدراس فى الاكل المسموم و المسرطن مين السبب فى موت القضاء فى مصر مين السبب فى قانون الارهاب مين السبب فى خروج اموال مصر للخارج مين السبب فى القروض مين السبب فى تنديس المسلمين مين السبب فى نشر الفاحشه فى الاعلام مين السبب فى موت ا المصريين داخل اقسام الشرطه مين السبب فى تجويع شعب مصر مين السبب فى انتحار الرجال والنساء مين السبب فى اهانه المصرى خارج بلاده لو فضلت اتكلم واقول مين السبب مش هتكفى صفحات كتب العالم وده الاشياء الى نعرفها والى واضحه لشعب مصر واكيد انا نسيت حاجات كتير اوى
ولكن انتظرونا فى يوم السادس من ابريل ليكون نهاية الظلم والعصيان والتجويع ستكون نهاية كل مستبد طاح بالشعب المصرى فى الارض ستكون نهاية للطغيان ستكون نهاية كل كلب ولكى الله يا مصر الحبيبة ولكى شعبك يا مصر والسلام عليكم ورحمه الله وبركاته
April 5th, 2008 at 2:54 am
ان شاء اللة مشرايح الشغل انا مضرب عن كل شى فى هذا اليوم
April 5th, 2008 at 3:25 am
السلام عليكم ورحمة الله
اخيكم الذى ضع وضع امانيه من من
عصابات نهبت البلد من رشاوى فى كل حاجه ياجماعة خربو المصانع الذى اخذات من الشعب وهو فى غفله دمرو كل ماهو منهوب مالهم من حرام النار اول بيه النصيبه الكبر ال احنا سكتنا كتير كنا نخف على رزق اولادنا ونسينا ال الررق بيدى الله وحرمنا انفسنا من كلمة لا حتى نسينا حروفه هذا يوم عظيم ياشعب مصر اهجمو على القصور والمتنجع بامولنا بنيت احرقو بيوت الظلمين اقوف الجيش والشرطه فوق ياشعب مصر مال الشعب لشعب والله يخرب بيتك ويحسبك ياجمال عبد الناصر يارئيس العصابه يحسبك اله على كل افعلاك بشعب مصر
April 5th, 2008 at 10:16 am
6ابريل يوم تاريخى لو قدرنا نغير شيئى منخمسن الف شيئى جربو يمكن تفالحووووووووووووووووووو
April 5th, 2008 at 10:27 am
الحل هو التظاهر بأعداد كبيرةجدا حتي يذهب الطاغية
April 5th, 2008 at 1:54 pm
اللى عنده امتحانين ماتخافش عليهم لانك هاتخلص وتلاقى نفسك فى الشارع زى كده على فكره انا مخلص صيدله اللى بيقولوا عليها كلية قمه
April 5th, 2008 at 3:36 pm
لو فضلنا خايفيين ستظل اعناقنا تحت اقدام هذا النظام الفاسد و سنظل فى حاله ذل و فقر و هوان و بطاله و ضياع فلا نخشى الا الله و نوجه ندائنا لجيش مصر الباسل الذى يدافع عن هذا الوطن ان ييقف مدافعا عن كرامه شعب مصر و ليقف جنبا الى جنب مع الشعب المصرى ليطيح بالحكومه الفاسده التى نهبت ارزاقنا و اموالنا نحن اتلمصريين
April 6th, 2008 at 1:45 am
عمك احمد بيسلم عليك
April 6th, 2008 at 1:47 am
من حمو الرزل لعمى احمد الله يرحم ايام ابو جنيه عيش ويخليلنا الكارته
April 6th, 2008 at 10:34 am
ياكدابين
April 6th, 2008 at 10:36 am
عشمتونا بالحلق يا جبناء
April 6th, 2008 at 10:38 am
حرام عليكم تلعبوا بالناس وتقعدوا فى بيوتكم فئران
April 6th, 2008 at 10:41 am
صدمتم الاطفال والنسوان وكل اللى كان عشمان بالتغيير الله يخرب بيوتكم
April 6th, 2008 at 10:48 am
يسقط كل الاحزاب الجبناء ويحيى ويعيش المنتصر الحزب الوطنى الديمقراطى———- أنا كنت أول واحد ساخرج من بيتى لكن الحمد لله كنت حروح فى شربة ماء الحمد لله إن أنا صبرت علشان أشوف الخيبة القوية بتاعت الاحزاب الكدابة الاحزاب الجبانة———- ويحي حسنى مبارك
April 6th, 2008 at 10:52 am
منكم لله غيبتونا من الشغل ووقفتم حالنا الله يوقف حالكم غيبنا أولادنا من المدارس ياكدابين الله ينتقم منكم
April 6th, 2008 at 5:11 pm
[...] يوم 6 ابريل هو انتفاضه شعبيه ضد الغلاء و الفسادماتخلونا نجرب يوم 6 إبريلجروب الفيس بوكإضراب عام .. السادس من ابريللا أحد يجرؤ [...]
April 7th, 2008 at 3:18 am
بسم الله الرحمن الرحيم
يوم 6ابريل انذار مبكر للحكومة ورائيسها الفاسد وعلى رأئسيهم حسنى مبارك رائيس العصابه لو اللى نزل ولم يلمس اى تغير فهو على خطاء الشوارع كانت شبه فارغه وهذا نجاح واللى لم ينزل من البيت شارك بطريقه تسمى العصيان المدنى ولكن هل هذا هو المراد من الشعب انا كنت كتبت فى مدونتى موضوع عنوانه الاضراب العام هو الحل على موقع مدونات مكتوب ارجو الرجوع اليها امضاء المهاجر الحزين عضو بحزب الغد جبهة الدكتور ايمن نور
April 7th, 2008 at 3:37 am
اعتذار لكل شباب مصر نيابة عن الاب والام والخا والعم والجد وكل من يمثل ولى المر للجيل الحالى نيابة عنهم اقدم خالص اعتذارى لكم يا معشر الشباب والفتيات ومنكم من يسأل لما الاعتذار اقول له ببساطه نحن اولياء الامور(اباء وامهات وعم وخال وكل زو قرابه)نحن الذين اخطأنا فى حقكم لاننا تقعصنا عن اداء دورنا على الوجه الاكمل حتى نحافظ على حقوقكم من البدايه ونلوم عليكم ونصفكم بانكم شباب خايب ومستهتر وبايع القضيه نحن السبب فى الصل لاننا لو كنا دفعنا عن حقوقنا اللى هى بالتالى حقوقكم كنا ما وصلنا لهذا الوضع المتردى ارجو قبول اسفى نيابة عن كل اولياء الامور ولكم ولنا الله وحسبنا الله ونعم الوكيل
October 19th, 2009 at 2:02 am
[...] http://43arb.info/meit/?p=1137 [...]