في ذكري 6 ابريل عن الإحباط والمحبطين في عالمنا

Want create site? Find Free WordPress Themes and plugins.

كلامي في يوم الإنطلاقة 6ابريل، هو كلام لكل المحبطين، والكلام ده مش موجهه لجو 6ابريل ، انا بحاول أخلي كلامي لكل الناس الموجودين حزب الدستور حزب الكرامة التيار الشعبي، كل الناس… إللي بيحاولوا يعمموا أوهام إحباطهم علي الناس حوليهم .

مش معني إنك محبط إنك تنشر إحباطك حوليك، ساهم ولو بكرة واحده كلمة واحده للجهد وطلعه لقدام
ومش معني إن فيه حد غير زي كفاءه موجود في مكان إنك تهرب وتخلع وتروح تقعد في حته علي جنب وتقول وأنا مالي أصلهم وشكلهم وعملهم، ﻷ، صدقني يا زميل، دورك في ده أكتر وأهم من التراجع والتخاذل ونشر الإحباط، ساهم وعدل وغير حتي لو زميلك مش شايف إن ده غلط … كمل معركتك، ﻷن المعركة مش زميلك، المعركة هيه في إللي موديين البلد في داهيه وواخدينها للحضيض، ودورنا مش مظاهرات أكتر من إنه وعي وتوعيه وعمل سلمي من أجل بناء دولة ديمقراطية .
العمل في الشارع مش بس تظاهر مش بس توزيع ورق، مش بس ومش بس، دورنا أكبر وأقوي من ده بكتير.
مهما كان تنظيمك ومهما كان موقفك مننا، إلا إن وجود تنظيم قوي في البلد حتي لو معارض ليك هوه السبيل الوحيد لبناء دولة ديمقراطية، مش هستفيد بحاجة لما التنظيمات الناصرية تخفت، أو المصريين الأحرار ينفجر برعايه أمنية، دورنا نقف جنب بعض، زي ما بدأنا وبدأت ناس مجهوله وممكن إنته يا زميل ما تسمعش عنها كان ليها ولسه دور واسع في إن فيه حاجة إسمها 6ابريل أصلا.
كمل وساهم، ولو بحرف، أو حتي تحريك ورقة من علي المكتب، إستخدم نظرية “اثر الفراشه” وكمل حركتك الضعيفه دي … هتفرق وهتساعد وهتكمل، بدل ما تقعد تقول نقفلها ونسكها ونقعد علي تلها … كمل الطريق، وهتلاقي مئات و ألاف جنبك وحوليك، مش شعارات عنجهيه زائده … بس فيه مئات من حولينا عايزين ومستنين حركة صغيرة منك.
تسلم يا زميل علي دعمك وعلي وقوفك … متكنش مصدر للإحباط … وخليك مصدر قوة لزملائك ورفاقك
كلامنا عشان بلدنا إللي بنحلم بيها … #مصر_الثورة_أحلي … شباب بيحب #مصر بجد

Did you find apk for android? You can find new Free Android Games and apps.

Comments

comments