تحيه مرسله لبعض الإعلاميين في التيليفزيون المصري من داخل سجون السلطة

Want create site? Find Free WordPress Themes and plugins.

طيب انا بس عايز أقولك كلام حلو كدهوه وشكر وتحيه لعدد من الناس إللي شغالين في التيليفزيون المصري، رغم إن 99% من إللي شغالين فيه مش ينفعوا يشتغلوا في مجال الإعلام، الناس دي في أكثر من قناة في التيليفزيون المصري.

مش هذكر أسماء مذيعين ولا معديين عشان مش يكونوا عرضه ﻷي مشاكل من قبل الجهات الأمنية، ولكن إنتم فعلا كنتم بتقدموا محتوي جيد إخباري وتحليلي عالي المستوي، رغم إنكم مش تخصص برامج إخبارية، ولكن مع ذلك كنتم إنتم وجبه الإفطار الإخبارية بالنسبة لي بعد ما دخلوا لي التيليفزيون في السجن، ولناس كتير سور السجن حاجب أحلامهم، تقريبا أنا كنت مظبط التيليفزيون بحيث أصحي علي بداية البرنامج بتاعكم .

تستحقوا التحيه والإحترام في زمن أصبح فيه الحصول علي معلومة كويسه في مجال الإعلام وشاملة غائبه عن كل وسائل الإعلام المصرية الرسمية والخاصة.

واحده واحده و واحد واحد من إللي أقصده، إنتم عارفين نفسكم وعارفين كفائتكم، وبالتوفيق إن شاء الله.

  • الجنائيين والمعتقلين همه جمهور التيليفزيون المصري بنسبة 90% تقريبا، فحاولوا توصلوا ليهم معلومة عاليه الجودة، بدل الهجص الإخباري إللي بنشوفة ونقرأه
  • زمايلكم الصحفيين والإعلاميين المعتقلين متابعينكم، سواء كان إللي قدر يعافر ويدخل تيليفزيون أو إللي هرب راديو بيسمعكم صوت بس.
Did you find apk for android? You can find new Free Android Games and apps.

Comments

comments