كيف تحمي نفسك من التجسس علي ال whatsapp بتاعك بعد مسلسل نيللي كريم

البنات والستات المتجوزه خلال ال24 ساعه إللي فاتوا نازلين طحن علي فيسبوك بيحاولوا يجيبوا الطريقة إللي #نيللي_كريم قدرت بيها  تقرأ الواتس أب بتاع جوزها.

في البوست ده هنشرح فكرة العملية وفي نفس الوقت عملية الحماية منها، وده الأهم منها، والمقصود في البوست ده مش الدفاع عن فكرة الخيانه، بل بالعكس، بس هوه حماية الأشخاص وحماية خصوصياتهم، سواء كان الموضوع جوه البيت، أو حتي حد من اصدقاءك أخد موبيلك وربط نفسه بيه.

وللعلم يمكن عن طريق جهاز كومبيوتر واحد التمكن من السيطرة علي أكثر من Whatsapp بكل سهوله، زي مثلا برنامج Franz إللي بيمكنك من الدخول إلي أكثر من حساب (whatsapp – Tweetdeck – facebook messanger – إلي اخر 34 خدمة دردشة وتواصل من خلال البرنامج) .

الفكرة بسهوله إللي عملتها #نيللي_كريم في مسلسل #لاعلي_سعر بتعتمد علي خدمة الويب للواتس أب whatsapp web، إللي من خلالها تقدر تستخدم واتس أب من خلال جهاز الكومبيوتر بتاعك بكل سهوله، بدلا من الإعتماد فقط علي الموبيل.

كود QR - whatsapp QR code
كود QR – QR code

والفكرة إنك بتربط المتصفح بتاعك علي pc بالموبيل من خلال حاجة اسمها “QR code” البتاعه المغلوشة إللي انته بتشفها علي منتجات كتير، المفروض الكود ده في الواتس أب، و بلاكبيري ماسنجر برضه، هوه كود ربط وتأكيد إتصال أمن، فممكن مراتك / صاحبتك / أبوك / صديقك / صديقتك ممكن يفتح المتصفح وتكوني ناسيه تقفلي موبيلك فيقدر يفعل ده في خلال ثواني.

طريقة الحماية بسهولة :

إفتح موبيل، إذهب إلي القائمه المنسدلة بتاعت الخصائص، (التلت نقط إللي فوق بعض)

إختار من جوه القائمة دي خيار ( WhatsApp Web.)

الحالة الأولي إنه في حالة إن حسابك علي الواتس أب مش مربوط بأي جهاز كومبيوتر أو نسخه ويب فهتلاقي الصورة التالية هيه إللي هتظهر ليك، الكاميرا بتاعتك شغال بتحاول تقرأ كود QR، كما في الصورة دي

الخيار التاني وهو إن حسابك مربوط فعلا فهتلاقي الصورة التالية، هتلاقيها بتظهرلك كافة الحسابات أو المتصفحات إللي إنته رابط موبيلك بيها، كاتب لك أسم المتصفح و إسم نظام التشغيل إللي إنته عليه، علي سبيل المثال في الصورة دي انا رابط موبيلي بفرانذ إللي بيستخدم نسخه معدله من متصفح “chrome”  علي نظام تشغيل linux

whatsapp web login

في حالة إذا ظهرلك جهاز واحد وانته اصلا مش رابط الواتس أب بالكومبيوتر أو ظهرلك أكثر من جهاز أو  متصفح أخر مربوط بالواتس أب بتاعك دوس علطول علي زرار  (Log out from all computers) كما في الصورة التالية كده لما ربط موبيلي بجهازين.

مثال علي تسجيل دخول من أكثر من جهاز كومبيوتر علي حسابك في whatsapp

بمجرد أن تخرج، فلن يتمكن الطرف الأخر من الإطلاع علي رسائلك عبر واتس أب مجددا، في حاله إذا وجدت أكثر من جهاز متصل بالواتس أب، نصيحه مني، تابع ده يوماتي لحد ما تكتشف مين بيعمل فيك كده، وأمن نفسك أصاحبي.

كيف أستخدم واتس أب عبر جهاز الكومبيوتر

نيجي بقي للجزء التاني من البوست، نيللي كريم عملت كده إزاي ؟ أو بمعني دقيق إزاي نستخدم whatsapp عبر أجهزه الكومبيوتر؟

بالتأكيد لازم يكون عندك خط موبيل ومشغل عليه whatsapp ، ﻷن وااتس أب مش بيسمح بالتسجيل غير بالموبيل، إتبع الخطوات التالية بقي بسرعه

إفتح الرابط التالي :

web.whatsapp.com

هتلاقي الشاشه دي قدامك

إفتح هنا موبيل وإذهب إلي نفس الخيار بتاع الويب (WhatsApp Web) وإضغط هنا علي زرار +  إللي هتلاقية في أعلي الشاشة، هيفتح الكاميرا كما بالشكل التالي، حط كاميرا الموبيل بحيث تركز علي الكود زي الصورة التالية

تسجيل الدخول إلي whatsapp web – ملكش دعوة بصباعي، انا حاطه عشان أمني الشخصي في الدرس

والصورة دي مثال لإستخدام الواتس اب عبر الكومبيوتر

تحديث : مستخدمي IPHONE وعائله IOS، تقدر توصل للخيارات دي عن طريق settings الخاص بالواتس أب، كما في الصورة التالية

 

تحديث: مستخدمي Windows phone الوصول بالطريقة التالية :

بالتوفيق لحماية نفسك وخصوصياتكم، ومش تحاول تخترق خصوصية حد، الموضوع عامله من أجي الحماية، ورجاء مش تستخدم المعلومة دي فيما يضر حتي لو مراتك أو زوجك.

تحياتي

عايز معلومة زيادة كلمني adel@43arb.info