فاكرين إنتو طبعا موضوع مكتب مكافحه المدونين ، فيه حاجه غربيه حصلت بصراحه ولازم تعرفوه ، الغريب إن الداخليه نفت وأثبتت في نفس الوقت الموضوع .

شوف ياعمنا كان محمد عبد القدوس ونقابه الصحفيين عامله صلاه غائب علي شهداءمذبحه قانا الثانيه وشهداء ولبنان  أمام نقابه الصحفيين ، حلو الكلام ، بعد كده عرفنا إن فيه مظاهره في ميدان طلعت حرب ، تحركنا إلي طلعت حرب وأنا هناك بصور بالكميرا بتاعتي كان فيه مجموعه من الزملاء واقفين خارج الكردون إلي فرضه الأمن ورافعين اليفط ، المهم إيه إلي حصل ، ألاقيهم قاعدين يتكلموا مع ظابط من امن الدوله وفجأه أول ما وصلت لقيت الموضوع فيه عن المدونون .

وعملا بحق الرد مكفول ( مع إنهم لم يخطرونا بخطاب رسمي ” عامل نفسي جرنال ” ) لقيت ظابط امن الدوله بيقول والله مافيه حاجه إسمها مكتب مكافحه المدونين ، قمت قايل له طب ومراقبه المواقع ، قالي مافيش حاجه زي دي كمان ، لم ارد عليه وفضلت السكات ولكني اردت أن أقول له إنته عرفت إننا كاتبين عن مكتب مكافحه المدونين إزاي ، المهم  أول أمس يوم وقفه “إحنا أصحابها …… مش هنسيبها ” لقيت نفس الظابط جايل لي وبيقول ما تدخل جوه ، قلت له ياعم سيبني اشوف أكل عيشي أنا مصور صحفي عايز اكل عيشي ، قام قايل لي ”  ياعم ما إنته مالي المدونات صور إنته ماشبعتيش ولا إيه ”  ، قلت له ماتخفشي دي بعض الصور بس مش كلها ، أه لو شفت كل الصور هتعمل إيه ، إنتم ليكم فولدر خاص بيكم كل واحد ليه صورته زي ما إحنا لينا صور عندكم .

والحدق يفهم

ودي صوره الظابط